უმცირესობის ლიდერი დავით ბაქრაძე იქნება, ვიცე-სპიკერი კი – სერგი კაპანაძე. ენმ-ში საპარლამენტო თანამდებობებზე გადაწყვეტილებები მიიღეს. როგორც ჟურნალისტებს პარტიის ლიდერებმა განუცხადეს, უკვე გადაწყვეტილია ძირითადი ფრაქციის თავმჯდომარის ვინაობაც.
„გადავწყვიტეთ, რომ შევქმნათ უმცირესობა და მისი ლიდერი იქნა დავით ბაქრაძე. ვიცე-სპიკერის პოსტზე – სერგი კაპანაძე და ასევე ძირითად ფრაქციას ვქმნით, რომელსაც უხელმძღვანელებს ნიკა მელია,“ – განაცხადა სერგო რატიანმა.
ენმ-ში გრძელდება მსჯელობა ფრაქციების რაოდენობასთან დაკავშირებით. არსებულ ვითარებაში ენმ-ს სამი ფრაქციის შექმნის საშუალება აქვს, თუმცა გადაწყვეტილება, თუ რამდენი ფრაქცია ეყოლებათ, ამ ეტაპზე მიღებული არ არის. ასევე ჯერ არ არის შეჯერებული პოზიციები, ვინ რომელ კომიტეტში დაიკავებს თავმჯდომარის მოადგილის თანამდებობას.