სოფელ ქვედა სამებაში პარლამენტის ვიცე-სპიკერ მურმან დუმბაძის ძმის ოჯახი გაქურდეს.
შემთხვევა გუშინ, გვიან ღამით მოხდა. სოფელ ქვედა სამებაში 2 ოჯახი, მათ შორის, პარლამენტის ვიცე სპიკერ მურმან დუმბაძის ძმის, გურამ დუმბაძის ოჯახი.
გურამ დუმბაძის შვილის, ესმა დუმბაძის ინფორმაციით, ქურდი სახლში 02:00 საათზე, საძინებელ ოთახში შენიშნა.
„ღამით გამეღვიძა და დავინახე ოთახში უცხო პირი. საშუალო სიმაღლის იყო, შავი კაპიშონი ჰქონდა, სავარაუდოდ, სახე დაფარული ჰქონდა. არ დამიყვირია, რადგან ხელში ხმალი ეჭირა და შემეშინდა. ეს ხმალი კედელზე გვეკიდა, ნაჩუქარი იყო, მამაჩემს 20 წლის წინ აჩუქეს და როგორც ჩანს, კედლიდან ჩამოხსნა. წაღებულია ნოუთბუქიც“, – განაცხადა ესმა დუმბაძემ.
მისივე ინფორმაციით, სახლიდან წაღებულია მედლების კოლექციაც.
ესმა დუმბაძე აცხადებს, რომ ოჯახის წევრებს ქურდის შემოსვლის შესახებ მას შემდეგ აცნობა, რაც უცხო პირი ოთახიდან გავიდა.
„სახლში ჩემი მშობლები და ჩემი უფროსი შვილი იყო, მაგრამ როცა გავიდა ქურდი, მერე დავუძახე. ზუსტი რაოდენობა არ ვიცი, მაგრამ დილით გავიგე, რომ ჩემი სამეზობლოც გაუქურდავთ. რამდენიმე ოჯახზეა საუბარი“, – აღნიშნა დუმბაძემ.
როგორც ცნობილია, მეორე ოჯახიდან ავტომობილია მოპარული.
შს სამინისტროს ინფორმ
