საქართველოს საგარეო საქმეთა მინისტრ მიხეილ ჯანელიძის განცხადებით, მთავრობამ მიზანშეწონილად ჩათვალა პარლამენტში პრეზიდენტის ყოველწლიური ანგარიშის მოხსენებაზე დასწრება.
ქვეყნის პირველმა დიპლომატმა აღნიშნა, რომ მთავრობა საქმიანობაში გაითვალისწინებს იმ მოსაზრებებს, რომელიც დღეს გამოითქმება პარლამენტში.
„მთავრობამ მიზანშეწონილად ჩათვალა დღეს აქ დასწრება. ჩვენ მოვისმენთ პრეზიდენტს, მოვისმენთ ასევე მოსაზრებებს, რომელიც პარლამენტის მხრიდან გამოითქმება და შესაბამისად გავითვალისწინებთ ამას, ჩვენს საქმიანობაში“, – განაცხადა ჯანელიძემ.