“მთავრობა და ეკონომიკის სამინისტრო აქტიურად მუშაობენ პირდაპირი ფრენების განვითარების მიმართულებით”

საქართველოს პრემიერ-მინისტრ გიორგი კვირიკაშვილის განცხადებით, მთავრობა და ეკონომიკის სამინისტრო აქტიურად მუშაობენ პირდაპირი ფრენების განვითარების მიმართულებით.

პრემიერის თქმით, ძალიან სასიხარულოა, რომ წელს კომპანია “ვიზეარი” საქართველოში პირველ რეგიონულ ბაზას გახსნის, რომელიც 7 ახალი მიმართულებით იფრენს ქუთაისიდან.

“ჩვენ უკვე გვაქვს ოთხი საერთაშორისო მიმართულება, რომლებიც ძალიან აქტიურია და რომელი მიმართულებებიდანაც საქართველოში უამრავი ვიზიტორი შემოდის. ეს გახლავთ უნგრეთში – ბუდაპეშტი, პოლონეთში –კატოვიცე და ვარშავა, ლიტვაში – ვილნიუსი და კიდევ 7 ახალი მიმართულება დაემატება, რაც ერთი მხრივ, საშუალებას მისცემს ტურისტებს, რომ გაცილებით უფრო ხელმისაწვდომი გახდეს საქართველოში მოგზაურობა და მეორე მხრივ, საქართველოს მოქალაქეებს საშუალებას მისცემს, რომ ევროპისკენ მიმართულებები კიდევ უფრო ხელმისაწვდომი გახდეს. თუ ამას დავამატებთ ვიზალიბერალიზაციის შესაძლებლობებს, შეგვიძლია წარმოვიდგინოთ ის უდიდესი პერსპექტივა, რომელიც საქართველოს ყველა მოქალაქისათვის იხსნება, მათ შორის წვრილი ბიზნესმენებისთვის, საქმიანი ადამიანებისთვის, ახალგაზრდებისთვის, რომ მათ იმოგზაურონ ევროპაში და დაიწყონ ახალი ბიზნესი ამ მიმართულებით, რომლის მომავალიც დაუკავშირდება ევროპას”, – აღნიშნა პრემიერ-მინისტრმა.

banner
წინა სტატიაში“უკვე გული მიგრძნობს, მეც იქვე ახლოში ვიქნები!”- ალექსი პეტრიაშვილის პირველი ფეისბუქ-პოსტი
შემდეგი სტატიადიკაპრიოს “ოსკარი” რესტორანში დაავიწყდა (ვიდეო)