მთავარია, რომ ჩვენ დაველოდოთ ინფორმაციას სამართალდამცავი ორგანოებისგან, – ამის შესახებ პარლამენტის თავმჯდომარემ ირაკლი კობახიძემ თემირლან მაჩალიკაშვილის საქმეზე კომენტირებისას განაცხადა.
“მთავარია, რომ ჩვენ დაველოდოთ ინფორმაციას სამართალდამცავი ორგანოებისგან და ამის შემდეგ უნდა გავაკეთოთ კომენტარები ამ საკითხთან დაკავშირებით”,- განაცხადა ირაკლი კობახიძემ.
19 წლის თემირლან მაჩალიკაშვილი სოფელ დუისის სასაფლაოზე დღეს დაკრძალეს.
თემირლან მაჩალიკაშვილი 26 დეკემბერს, პანკისის ხეობაში ჩატარებული სპეცოპერაციის დროს დაიჭრა და გუშინ წმინდა მიქაელ მთავარანგელოზის სახელობის მრავალპროფილიან კლინიკურ საავადმყოფოში გარდაიცვალა.
