მოსკოვში თურქეთის საელჩოსთან უსაფრთხოების განსაკუთრებული ზომები მიიღეს – ამის შესახებ რუსული მედია ავრცელებს ინფორმაციას.
საელჩოს შენობასთან მობილიზებულია პოლიციის მანქანები და ათობით სამართალდამცველები მორიგეობს. ამავე დროს, საელჩოსთან საპროტესტო აქცია მიმდინარეობს. დემონსტრანტები სკანდირებენ ლოზუნგებს, სადაც ისინი თურქეთს ტერორიზმის მხარდაჭერაში ადანაშაულებენ.
დღეს რუსეთის პრეზიდეტნმა განაცხადა, რომ რუსულ ავიაგამანადგურებელ სუ-24-თან დაკავშირებული ინციდენტით თურქეთმა ტერორიზმს დაუჭირა მხარი. მისივე თქმით, თურქეთის სამხედრო ავიაციის მიერ რუსული გამანადგურებლის ჩამოგდებით ორ ქვეყანას შორის ურთიერთობა რადიკალურად შეიცვლება.
რუსული სუ-24-ის ჩამოგდებასთან დაკავშირებით ნატო დღეს სპეციალურ სხდომას გამართავს.