მოლდოვის საგარეო საქმეთა სამინისტროს ცნობით, რუსეთისა და თვითგამოცხადებული სამხრეთ ოსეთის დელეგაციის წევრები, რომლებიც მოლდოვიდან დნესტრისპირეთის არაღიარებულ რესპუბლიკაში გამგზავრებას აპირებდნენ, მოლდოვიდან დეპორტაციით გამოაძევეს.
გამოძევებულთა შორის არიან რუსეთის დელეგაციის ხელმძღვანელი, რუსეთის სამხედრო ექსპერტთა კოლეგიის პრეზიდენტი, გენერალ მაიორი – ალექსანდრ ვლადიმიროვი და ე.წ. სამხრეთ ოსეთის დელეგაციის ხელმძღვანელი, ცხინვალის პრეზიდენტის ადმინისტრაციის უფროსი იგორ კოზაევი, დანარჩენ დელეგეციის წევრებთან ერთად.