სახალხო დამცველის წარმომადგენელი მკვლელობაში ბრალდებულ მოზარდებს უახლოეს დღეებში მოინახულებს. ამის შესახებ უჩა ნანუაშვილმა ხორავას ქუჩაზე მომხდარი მკვლელობის თემაზე საუბრისას განაცხადა.
„ჩვენ დაწყებული გვაქვს ამ საქმის შესწავლა, თუმცა უშუალოდ მონახულება არის დაგეგმილი. კონკრეტულად ამ დრომდე, როგორც ვიცი, ჯერ არ არის მონახულებული. უახლოეს დღეებში მოვინახულებთ“, – აღნიშნა ნანუაშვილმა.