სტრასბურგის სასამართლოს გადაწყვეტილებას, რომლის მიხედვითაც, ევროსასამართლომ უზენაესი სასამართლოს გადაწყვეტილების აღსრულება შეაჩერა, ქართულ ოცნებაში გამოეხმაურნენ.
პარლამენტის თავდაცვის და უშიშროების კომიტეტის თავმჯდომარე, ირაკლი სესიაშვილი ამბობს, რომ რუსთავი 2-თან დაკავშირებულ საქმეში სტრასბურგის სასამართლო ჩართვას მიესალმება.
”მივესალმები მთლიანად იმ პროცესს, რაც გულისხმობს, რომ რუსთავი 2-ს და მის მფლობელებს მოეხდინათ ყველა ინსტანციაში საკუთარი პოზიციების დაცვა. კიდევ უფრო მივესალმები, თუ ეს პროცესი გადავა საერთაშორისო ჭრილში, რამდენადაც საერთაშორისო საზოგადოებაში გაქარწყლდეს ყველა ის ბრალდება, თითქოს ადგილი აქვს მედიის თავისუფლების შეზღუდვას. მივესალმები, თუ სტრასბურგის სასამართლო ჩაერთვება ამ პროცესში და თავის მხრივ, ჭეშმარიტებას დაადგენს” – განაცხადა სესიაშვილმა.
