“ერთიანი ნაციონალური მოძრაობის” დეპუტატ ეკა ხერხეულიძის განცხადებით, მინისტრთა კაბინეტის ზოგიერთი წარმომადგენლი უახლესი ისტორიის გაყალბებითაა დაკავებული, მთავრობა კი ვერანაირ ზომებს ვერ მიმართავს, სადან ბიძინა ივანიშვილს არ მოუნდება ასეთი ადამიანების მოხსნა.
” მე ხელთ მაქვს საქართველოს კონსტიტუცია, სადაც 1 მუხლის 1 პუნქტში ვკითხულობთ – საქართველო არის დამოუკიდებელი, ერთიანი და დამოუკიდებელი სახელმწიფო, რაც დადასტურებულია 1991 წლის 31 მარტს, ქვეყნის მთელ ტერიტორიაზე, მათ შორის აფხაზეთის და ყოფილ სამხრეთ ოსეთის ავტონომიურ ოლქში ჩატარებული რეფერენდუმით.
დღევანდელი დღე გამონაკლისი არაა, როცა თქვენი გუნდი ისტორიის შეხსენებას საჭიროებს, ეს არაა პირველი შემთხვევა, როცა უახლესი ისტორიის გაყალბებით ცდილობთ თქვენი მავნებლური პოლიტიკა გაატაროთ. როდესაც მიგითითებთ, რომ ერთ-ერთი მინისტრი ქვეყნისთვის საზიანო განცხადებებს აკეთებს, ნაცვლად იმისა, რომ ქვეყანამ მიიღოს ზომები, თქვენ ამ ადამიანის დაცვით ხართ დაკავებული, სანამ ბიძინა ივანიშვილს არ მოუნდება მისი მოხსნა. “
