მიგრანტების რაოდენობა, რომლებმაც მიმდინარე წელს ევროკავშირის საზღვარი გადაკვეთეს, მილიონს აღწევს – ინფორმაციას მიგრაციის საერთაშორისო ორგანიზაცია ავრცელებს.
მიგრანტების დიდი ოდენობა, დაახლოებით 800 ათასი ადამიანი თურქეთიდან და საბერძნეთიდან შემოვიდა. უმეტესობა მათგანი სირიიდან, ავღანეთიდან და ერაყიდან არიან.
ორგანიზაციის მონაცემებით, ამ სახიფათო გზის გავლისას დაახლოებით 3695 ადამიანი დაიღუპა ან უგზო-უკვლოდ დაკარგულად ითვლება (სხვა მონაცემებით 7 000-მე მიგრანტი).
მემილიონე მიგრანტი 21 დეკემბერს დაფიქსირდა. საერთო ჯამში დარეგისტრირებულია 1 005 504 ადამიანი.
