ოდესის ოლქის სახელმწიფო ადმინისტრაციის ხელმძღვანელმა მიხეილ სააკაშვილმა დროებითი სამუშაო კაბინეტი გზის პირას, კარავში მოიწყო. სააკაშვილის გადაწყვეტილების მიზეზი ოდესა-რენის გზის მშენებლობა გახდა. მისი თქმით მას არ აკმაყოფილებს ის ტემპები, რა ტემპებშიც ამ გზის მშენებლობა ხორციელდება, ადგილზე ყოფნით კი ის სამუშაოებს პირად კონტროლზე აიყვანს და აღნიშნულ ადგილზე მანამდე დარჩება, სანამ გზის მშენებლობა არ მორჩება.
