მიხეილ ჯანელიძე თურქეთის პრეზიდენტს შეხვდა

news
: news იანვარი 11, 2017 11:11

მიხეილ ჯანელიძე თურქეთის პრეზიდენტს შეხვდა

საქართველოს საგარეო საქმეთა მინისტრი მიხეილ ჯანელიძე ანკარაში ოფიციალური ვიზიტის ფარგლებში, თურქეთის რესპუბლიკის პრეზიდენტ რეჯეპ თაიპ ერდოღანს შეხვდა.

საგარეო უწყების ინფორმაციით, შეხვედრაზე მხარეებმა ორ ქვეყანას შორის მჭიდრო მეგობრული და სტრატეგიული ურთიერთობების არსებობა კმაყოფილებით დააფიქსირეს.

განსაკუთრებული ყურადღება რეგიონულ სატრანსპორტო და ენერგეტიკულ პროექტებზე და მათი რეალიზაციის პროცესში მხარეებს შორის აქტიური თანამშრომლობის მნიშვნელობაზე გამახვილდა.

მხარეებს შორის ხაზი მაღალი დონის ვიზიტების არსებული დინამიკის შენარჩუნებისა და შემდგომი გააქტიურების აუცილებლობას გაესვა. ასევე, აღინიშნა კულტურის სფეროში ორმხრივი თანამშრომლობის მნიშვნელობა და ხალხთაშორისი კავშირების ხელშეწყობა.

მიხეილ ჯანელიძემ უკანასკნელ პერიოდში თურქეთში მომხდარი ტერორისტული აქტები დაგმო და თურქეთის ხელისუფლებისა და თურქი ხალხის მიმართ სრული მხარდაჭერა და სოლიდარობა გამოხატა.

თავის მხრივ, თურქეთის პრეზიდენტმა საქართველოს ტერიტორიული მთლიანობისა და სუვერენიტეტის მიმართ ანკარის ურყევი მხარდაჭერა კიდევ ერთხელ დაადასტურა.

საქართველოს საგარეო უწყების ხელმძღვანელმა თურქეთის მხარეს ევროპული და ევროატლანტიკური ინტეგრაციის გზაზე საქართველოს მხარდაჭერისთვის და ნატო-ს არსებითი ღონისძიებათა პაკეტის ეფექტური განხორციელების მიმართულებით თურქეთის მიერ გაწეული კონტრიბუციისთვის მადლობა გადაუხადა.

news
: news იანვარი 11, 2017 11:11
დაწერეთ კომენტარი

კომენტარი არაა

კომენტარი არაა!

შეგიძლიათ დატოვოთ თქვნი კომენტარი.

დაწერეთ კომენტარი
კომენტარების ნახვა

დაწერეთ კომენტარი

თქვენი e-mail არ გამოქვეყნდება.
აუცილებელი ველი*

დღის ფოტო

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


2,570
ვიზიტორი
დღეში
Powered By Google Analytics