ჩინეთში პოლიციამ ავია-რეისის 25 მგზავრი დააკავა მას შემდეგ, რაც რამდენიმე მათგანმა ასაფრენ ბილიკზე საავარიო გასასვლელის სამი კარი გააღო.
როგორც ადგილობრივი მედია იუწყება, კუნმინი-პეკინის მგზავრები, რომლებიც უკვე თვითმფრინავში იმყოფებოდნენ, აღშფოთებას გამოთქვამდნენ იმის გამო, რომ აფრენის დრო უამინდობის გამო გაიწელა.
რამდენიმე მგზავრმა მათი თვითმფრინავიდან ჩაშვება ითხოვა, იმის გამო, რომ თავს ცუდად გრძნობდნენ. როცა თვითმფრინავის ეკიპაჟისგან უარი მიიღეს, მათ სათადარიგო კარები გახსნეს.
ჩინეთის პოლიციამ ორ მგზავრს 15 დღიანი პატიმრობა მიუსაჯა.
