თბილისში, ბუდაპეშტის ქუჩაზე შუახნის მამაკაცი მოკლეს. მეზობლების თქმით, მამაკაცი დანით მუცლის და სახის არეში დაჭრეს, შემდეგ ბინას ცეცხლი წაუკიდეს. ინფორმაციას “იმედი” ავრცელებს.
საგანგებო სიტუაციების მართვის სააგენტოს ცნობით, 112-ში შეტყობინება დაკვამლიანების თაობაზე შევიდა.
“სახანძრო-სამაშველო ბრიგადა გამოძახების ადგილზე დროულად მივიდა. ხანძარი მაშველებს 8 კვ.მ-ზე დახვდათ. ცეცხლის ლოკალიზება მალევე მოხდა, რის შემდეგაც სამაშველო ბრიგადამ ბინაში 70 წელს გადაცილებული მამაკაცის ცხედარი აღმოაჩინა“,- განაცხადეს საგანგებო სიტუაციების მართვის სააგენტოში.