ჭყონდიდის ეპარქიის მიტროპოლიტი, მეუფე პეტრე (ცაავა) მთავარი პროკურატურის მიერ გამოკითხვაზე დაბარებას ლოგიკურად მიიჩნევს.
როგორც მეუფე პეტრემ აღნიშნა, მის მიერ გაკეთებული მინიშნებებიდან გამომდინარე, ლოგიკურია, რომ გამოძიებას კითხვები გაუჩნდა.
„იმედის“ ეთერში ბოლო ჩართვისას ჩემს მიერ გაკეთებული მინიშნებებიდან გამომდინარე, ლოგიკურია, რომ მათ შეკითხვები გაუჩნდათ და შეხვედრა მთხოვეს. არამგონია, ეს დაკითხვა იყოს. უბრალოდ, გასაუბრების ფორმატია. ჩავთვალე, ღვთისა და სინდისის წინაშე, რომელიც ასევე პატარა ღმერთია, უსამართლობის წინააღმდეგ ხმა ამემაღლებინა. მზად ვარ, ნებისმიერ წინააღმდეგობას შევხვდე, ჩემი პოზიციიდან გამომდინარე“, – განაცხადა მეუფე პეტრემ.
ჭყონდიდის მიტროპოლიტი მთავარ პროკურატურაში ადვოკატთან ერთად, 15:00 საათზე გამოცხადდება.
როგორც „თაიმერს” საგამოძიებო უწყებაში განუცხადეს, მეუფე პეტრე მოწმის სტატუსით, მაღალი იერარქიის სასულიერო პირის მკვლელობის მომზადების საქმეზე გამოიკითხება.
