ბრიტანეთის პრემიერ-მინისტრმა ტერესა მეიმ ევროკავშირს დასავლეთ ბალკანეთის ქვეყნებთან მჭიდრო თანამშრომლობისკენ მოუწოდა იმისათვის, რომ რუსეთის მხრიდან “დეზინფორმაციულ კამპანიას” წინ აღუდგნენ. მეიმ მაგალითად ჩერნოგორიამოიყვანა. ბრიუსელში ევროკავშირის ლიდერების წინაშე გამოსვლისას, მეიმ თქვა, რომ რეგიონის არასტაბილურობა ევროკავშირის კოლექტიურ უსაფრთხოებას ემუქრება.
შეგახსენებთ, რომ თებერვლის ბოლოს ჩერნოგორიის პროკურორმა მილივოე კატნიჩმა რუსეთის სპეცსამსახურებს ქვეყანაში სახელმწიფო გადატრიალების მცდელობაში დასდო ბრალი.