დაუნინგ-სტრითზე დაადასტურეს, რომ რუსეთის პრეზიდენტი და ბრიტანეთის პრემიერ-მინისტრი ტელეფონით ესაუბრნენ ერთმანეთს, სადაც ორ ქვეყანას შორის ურთიერთობის გაუმჯობესების სურვილი გამოთქვეს.
ორივე ლიდერი უკმაყოფილოა თანამშრმლობის მიმდინარე მდგომარეობით და შეთანხმდნენ იმაზე, რომ აუცილებელია შექმნილი ვითარების გაუმჯობესება.
ბრიტანეთის პრემიერის კანცელარიის ოფიცლიალურმა წარმომადგენელმა განაცხადა, რომ რუსეთ-ბრიტანეთს შორის საავიაციო უსაფრთხოებისა და ტერორიზმთან ბრძოლის სფეროებში სიტუაციის გამოსწორება მნიშვნელოვანი საკითხია.
ტერეზა მეი და ვლადიმირ პუტინი სექტემბერში, ჩინეთში დაგეგმილ G20 ქვეყნების სამიტზე შეხვდებიან ერთმანეთს.
