ოდესის გუბერნატორმა, მიხეილ სააკაშვილმა მიუნხენის კონფერენციაზე რუსეთის პრემიერის, დიმიტრი მედვედევის გამოსვლისას დარბაზი დატოვა – ამის შესახებ ინფორმაციას რუსული მედია ავრცელებს.
ფოტოზე სააკაშვილი დარბაზიდან გადის, მედვედევი კი სცენაზეა.
სააკაშვილმა ჟურნალისტების შეკითხვაზე, აპირებს თუ არა უკრაინის პრეზიდენტობაზე კენჭი იყაროს, განაცხადა, რომ “ყველაზე საშინელ სიზმარშიც კი ვერ წარმოიდგენს ამას”.
გუშინ უკრაინის შს მინისტრმა არსენ ავაკოვმა თქვა, რომ სააკაშვილი პოროშენკოს ოპოზიციაში გადავიდა.
