ოდესის პორტში შევიდა იახტა, რომელიც ადრე მილიარდელ ბორის ბერეზოვსკის ეკუთვნოდა -ამის შესახებ ადგილობრივი მედია წერს.
როგორც აღნიშნავენ, იახტა, რომელსაც Lady K ქვია, ხშირად სტუმრობს ოდესის პორტს. მისი სიგრძე 50 მეტრია, სიგანე 8 მეტრზე მეტი. სიჩქარე 19 კვანძი, მაქსიმალური – 30. იახტა სენტ-ვინსენტის და გრენადინების დროშის ქვეშ დაცურავს. Lady K დაცვის ქვეშ იმყოფება, უშიშროების სამსახურები მის გადაღებას კრძალავენ.
2013 წელს გავრცელდა, რომ იახტა, რომელსაც მაშინ Thunder B ერქვა, ხორვატმა იყიდა.
Thunder B, 1998 წელს ავსტრალიის Oceanfast-ში ააგეს. მას 5 კაიუტა აქვს და 10 ადამიანს იტევს.
რუსი მილიარდელი ბორის ბერეზოვსკი 2013 წლის 23 მარტს დაიღუპა. მან სავარაუდოდ, თავი მოიკლა.