ტერორისტული დაჯგუფება “ისლამური სახელმწიფოს” მეთაური აბუ ბაქარ ალ-ბაღდადი და დაჯგუფების რამდენიმე მეთაური ერაყში საერთაშორისო კოალიციის მიერ განხორციელებული ავიადარტყმების შედეგად დაიჭრნენ – არაბული მედია წერს.
ამავე დროს, Reuters-ი ავრცელებს, რომ კოალიცია აღნიშნულ ინფორმაციას არ ადასტურებს. პოლკოვნიკმა კრის გარვერმა, რომელიც აშშ-ს ჯარებს მეთაურობს, განაცხადა, რომ ის ფლობს “ისლამური სახელმწიფოს” ლიდერის დაჭრის შესახებ ინფორმაცია, მაგრამ მიმდინარე მომენტში ოფიციალურ კონმენტარს ვერ გააკეთებს.
Reuters-ი აზუსტებს, რომ საჰაერო შეტევის შესახებ ინფორმაცია ირანულმა არხმა Alsumaria-მ გაავრცელა, რომელიც თავის მხრივ, ნაინავის პროვინციიდან მიღებულ ინფორმაციას დაეყრდნო.
ალ-ბაღდადი ერაყის სამარაში, ბაღდადიდან ჩრდილოეთით 1971 წელს დაიბადა. ის არის ტერორისტული დაჯგუფების ლიდერი, რომელმაც 2014 წელს ერაყსა და სირიაში ტერიტორიების ნაწილი დაიპყრო.
მასზე კოალიციას 10 მილიონი დოლარი ჯილდო აქვს დაწესებული.
