ბრიტანელი მუსიკოსის დევიდ ბოუის ცხედარის საიდუმლო კრემაცია ნიუ-იორკში მოხდა, ამის შესახებ ბრიტანეული მედია წერს. ბოუის სურვილი იყო საზოგადოებრივი დაკრძალვის ცერემონია არ მოეწყოთ მისთვის.
როგორც Daily Mirror-ი იტყობინება, ლეგენდარული მუსიკოსის ცხედარი გარდაცვალებიდან მალევე იქნა კრემირებული. ცერემონიას არ ესწრებოდნენ მისი მეგობრები და ნათესავები.
გამოცემის ინფორმაციის თანხმად, მუსიკოსი თავის ახლობლებს ეუბნებოდა, რომ “ხმაურის გარეშე” უნდოდა წასვლა.
დევიდ ბოუის წარმომადგენელმა ბიბისისთან საუბარში განაცხადა, რომ აღნიშნულ ინფორმაციას ვერც დაადასტურებს და ვერც უარყოფს.
დევიდ ბოუი კვირას, 69 წლის ასაკში გარდაიცვალა.