მექსიკაში მასშტაბური სამაშველო ოპერაცია გრძელდება. მაშველებმა დედაქალაქში სკოლის ნანგრევებში 13 წლის გოგოს ცოცხალს მიაკვლიეს და ახლა მის ამოყვანას ცდილობენ.
სკოლა ერთ-ერთია იმ შენობებიდან, რომელიც მექსიკის ცენტრალურ რეგიონებში 7.1 მეათედი მაგნიტუდის სიმძლავრის ბიძგების შედეგად ჩამოინგრა.
მხოლოდ ამ ადგილას 21 ბავშვი და 5 უფროსი დაიღუპა, საერთო ჯამში კი, სტიქიას 230-ზე მეტი ადამიანი ემსხვერპლა. ნანგრევებიდან 50-ზე მეტი ადამიანის ცოცხლად ამოყვანა მოხერხდა.
