ხელვაჩაურის მუნიციპალიტეტის სოფელ მარადიდის ტყეში 4 უცხოელის ცხედარი აღმოაჩინეს. აჭარის სამაშველო სამსახურის ინფორმაციით, ცხედრები თოვლში იპოვეს.
მათივე ცნობით, ბათუმის პროზექტურაში ცხედრების ამოსასაცნობად გადასვენებას დიდთოვლობა უშლის ხელს.
ცნობილია, რომ ოთხივე ცხედარი ტყეში მონადირეებმა იპოვეს. ცხედრები თურქეთის საზღვართან 5 კილომეტრში აღმოაჩინეს.
შსს-ს ინფორმაციით მომხდართან დაკავშირებით გამოძიება სისხლის სამართლის კოდექსის 115-ე მუხლითაა აღძრული, რაც თვითმკვლელობამდე მიყვანას გულისხმობს.