მანანა კობახიძე: მოწმეთა დაკითხვის ახალი წესის ამოქმედებას პრობლემა არ შეექმნება

საპარლამენტო უმრავლესობის წევრი მანანა კობახიძე არ ფიქრობს, რომ მოწმეთა დაკითხვის ახალი წესის ამოქმედებას რაიმე პრობლემა შეექმნება, – ამის შესახებ მანანა კობახიძემ იმ კითხვის საპასუხოდ განაცხადა, ხომ არ შეექმნება რაიმე პრობლება 20 თებერვლიდან მოწმეთა დაკითხვის ახალი წესის ამოქმედებას.

კობახიძის თქმით, მოწმეები რომ სასამართლოში იკითხებიან და მოსამართლისთვის რომ მოწმის დაკითხვა უცხო პროცედურა არ არის, ეს ფაქტია.

“აქ არის მეორე საკითხი, ანუ წინასწარ ძიების ეტაპაზე, როცა თავად მოწმის მოთხოვნით ხდება მისი წარდგენა სასამართლოში და ამ შემთხვევაში უკვე ამ პროცესში მოსამართლე მონაწილეობს. თავისთავად პროცედურულად ამ საგამოძიებო მოქმედებასთან დაკავშირებით, სასამართლოს არანაირი პრობლემა არ უნდა ჰქონდეს იმიტომ, რომ თუ მოსამართლეს მოწმის დაკითხვის პროცედურის შეეშინდება და ამისთვის უნარჩვევები არ აქვს, მაშინ გაუგებარია საერთოდ როგორ უნდა იყოს ის მოსამართლე. ასე რომ, რაიმე პრობლემას არ მხრივ ვერ ვხედავ. ვფიქრობ, რომ აქ უფრო ტექნიკური საკითხები იქნება მოსაწესრიგებელი, რომელიც სასამართლომ უნდა მოაწესრიგოს”, – განაცხადა კობახიძემ.

დეპუტატი მიიჩნევს, რომ კანონის ამოქმედებასთან ერთად უნდა იყოს მოწესრიგებული თუნდაც სათანადო დარბაზების არსებობა.
“რა ვალდებულებაც არის სასამართლოს კომპეტენციაში, თუ რამე პრობლემა შეიქმნება ტექნიკურად, რა თქმა უნდა, ამისთვის არის შესაბამისი დეპარტამენტი, რომელმაც ეს უნდა უზრუნველყოს. თვითონ შინაარსობრივად ის, რომ მოსამართლემ მოწმის დაკითხვაში რაიმე პრობლემა დაინახოს ამ ახალი ნორმების ამოქმედებით, მე ამ საშიშიშროებას ვერ ვხედავ იმიტომ, რომ ყველაფრის ეჭვქვეშ და კითხვის ნიშნის ქვეშ დაყენება ნამდვილად არ შეიძლება”, – განაცხადა კობახიძემ.

პრეზიდენტმა მოწმეთა დაკითხვის წესის 20 თებერვლამდე გადავადებას 17 დეკემბერს მოაწერა ხელი. საქართველოში, მოწმის დაკითხვასთან დაკავშირებით ჯერ კიდევ 1998 წელს მიღებული სისხლის სამართლის საპროცესო კოდექსით დადგენილი წესი მოქმედებს. გასული წლის 31 დეკემბერს 2009 წელს მიღებული სისხლის სამართლის ახალი კოდექსით გათვალისწინებული მოწმის დაკითხვის ახალი წესი უნდა ამოქმედებულიყო, თუმცა საქართველოს პარლამენტმა სისხლის სამართლის საპროცესო კოდექსში მიღებული ცვლილებებით, 31 დეკემბრის ნაცვლად, მოწმის დაკითხვის ახალი წესის ამოქმედების თარიღად 2016 წლის 20 თებერვალი განსაზღვრა.

banner
წინა სტატიაშიციხისძირში გიგანტური ხეების სანახავად ბიძინა ივანიშვილი მივიდა (ფოტორეპორტაჟი)
შემდეგი სტატიაუახლოეს დღეებში საქართველოში ტემპერატურა +19 გრადუსამდე მოიმატებს