გიგა ბოკერია რომ ფარისეველს გიწოდებს, პასუხი მართლა არ უნდა გასცე, მაგრამ საზოგადოება არ მინდა მოატყუოს, ამიტომ მინდა განვმარტო, თუ რატომ ვისაუბრე ეთერში საკონსტიტუციო სასამართლოს გადაწყვეტილებაზე “რუსთავი-2”-ის სარჩელთან დაკავშირებით დეტალურად და რატომ არა ურთმელიძის გადაწყვეტილებაზე. ეს, წესით ბოკერიამაც უნდა იცოდეს, მაგრამ სიმართლის თქმა მისგან წარმოუდგენელია, ამიტომ მე ვიტყვი: “რუსთავი-2 “-ის საკონსტიტუციო სარჩელზე პარლამენტი უშუალო მოპასუხეა, ანუ ჩვენ ვართ პროცესის მხარე, ამიტომ არათუ უნდა ვიცოდე სარჩელი, არამედ მევალება საკანონმდებლო ორგანოს პოზიციების დაცვაც, სწორედ პარლამენტმა უნდა დაიცვას მისივე მიღებული კანონი და თუ ამას არ აკეთებ შეიძლება ეს თანამდებობრივი გულგრილობა ანუ დანაშაულიც კი იყოს, ხოლო სამოქალაქო საქმეზე, სადაც არც მოსარჩელე ვარ, არც მოპასუხე, არც ადვოკატი და არც ექსპერტი, საიდან უნდა ვიცოდე საქმის დეტალები, მითუმეტეს, როცა სასამართლოს დასაბუთებული გადაწყვეტილება არც გამოუქვეყნებია ჯერ და როცა გამოაქვეყნებს მე არც არავინ ჩამაბარებს მას! ხოდა, თქვენგან განსხვავებით ბატონო გიგა, როცა მოსამართლეებს, ლამის, განაჩენებს თქვენ უწერდით, მე არ ვიცი და არც მევალება ვიცოდე ურთმელიძემ რა საფუძვლით მიიღო ის გადაწყვეტილება , რაც მიიღო! .ერთი რამ კი ზუსტად ვიცი, თუ ვინმეს რამე იძულებით წაართვეს, ის უნდა დაბრუნდეს და მხოლოდ სამართლებრივი გზით!-აცხადებს პარლამენტის თავმჯდომარის პირველი მოადგილე მანანა კობახიძე.