ფრაქცია „ქართული ოცნების“ წევრი მანანა კობახიძე ადასტურებს, რომ საკონსტიტუციო სასამართლოს მოსამართლის თანამდებობაზე მისი კანდიდატურა განიხილება.
„გიდასტურებთ, რომ ჩემი კანდიდატურა განიხილება ამ ვაკანტურ თანამდებობზე. კონსულტაციები დასრულებულია და შეგიძლიათ მიმართოთ ამ საკითხზე კომპეტენტურ ადამიანს, მამუკა მდინარაძეს“, – აღნიშნა კობახიძემ
ფრაქცია „ქართული ოცნების“ თავმჯდომარე მამუკა მდინარაძის განცხადებით, საკონსტიტუციო მოსამართლის არჩევის ერთ-ერთი კრიტერიუმი უმრავლესობის მხარდაჭერა იქნება.
„უახლოეს საათებში ან დღეებში გადაწყვეტილების შესახებ ინფორმაციას მიიღებთ. ვცდილობთ, წარვადგინოთ ისეთი კანდიდატურა, რომელიც ობიქტური და პროფესიონალი მოსამართლე იქნება. ერთ-ერთი კანდიდატი მანანა კობახიძე იქნება“, – აღნიშნა მდინარაძემ.