პოლონეთის ყოფილი პრეზიდენტი ლეხ ვალენსა თვლის, რომ სახელმწიფოს ამჟამინდელი მმართველი ანჟეი დუდა უნდა გადადგეს – ამის შესახებ მან “ფეისბუქის” საკუთარ გვერდზე დაწერა. ვალენსას აზრით, პრეზიდენთან ერთად მმართველი პარტიაც უნდა წავიდეს. “PiS-ი (მმართველი პარტია-რედ) უნდა წავიდეს, დუდა უნდა გადადგეს. ეს ცუდი სისტემაა. თუკი გაჯიუტდებიან, სასამართლოს წინაშე წარსდგებიან. ეს ერთადერთი გადაწყვეტილებაა და რაც ჩქარა, მით უმჯობესი მათთვის” – წერს ლეხ ვალენსა.
შეგახსენებთ, რომ პოლონეთში უკანანსკნელი დღეების მანძილზე არ წყდება საპროტესტო გამოსვლები. აქციის მონაწილეები მთავრობას სიტყვისა და სხვა უფლებების შეზღუდვაში ადანაშაულებენ.