კონსტიტუციის პროექტის საერთო-სახალხო განხილვა დღეს ახალციხეში გაგრძელდება. მმართველი გუნდი ადგილობრივებს კონსტიტუციის პროექტს ირაკლი კობახიძის ხელმძღვანელობით წარუდგენს. უმრავლესობის მიერ შეთავაზებულ საყოველთაო განხილვებში ჩართვას ამჯერადაც გეგმავს საქართველოს პრეზიდენტი.
პროექტის საჯარო განხილვა 5 მაისს დაიწყო. ცვლილებები სულ 11 ქალაქში უნდა წარადგინონ. შეხვედრები უკვე გაიმართა ქუთაისში, ამბროლაურში, ჩოხატაურში და ზუგდიდში, ბოლო შეხვედრა 15 მაისს თბილისში გაიმართება.