ჰილარი კლინტონის წინასაარჩევნო შტაბის ყოვილმა ხელმძღვანელმა ჯონ პოდესტამ “ბიბისის”-თან საუბარში განაცხადა, რომ ის დარწმუნებულია იმაში, რომ ამერიკულ არჩევნებში რუსეთი ჩაერია. საინფორმაციო ანალიტიკურ პროგრამა Newsnight-ში მან თქვა, რომ მოსკოვის მიერ არჩევნებში ჩარევა, ასევე, მოსალოდნელია საფრანგეთსა და გერმანიაში.
პოდესტამ გამოძიების ფედერალურ სამსახურს ორმაგ სტანდარტებში დასდო ბრალი და ხაზგასმით აღნიშნა, რომ ჰილარი კლინტონის წინააღმდეგ არჩევნებამდე სისხლის სამართლის საქმის აღძვრამ წინასაარჩევნო კამპანიაზე ნეგატიურად იმოქმედა.