კიევში რუსეთის საელჩოსთან მიმდინარეობს უკრაინელი მფრინავის, ნადეჟდა სავჩენკოს მხარდამჭერი აქცია. დემონსტრანტებმა შენობას კვერცხები დაუშინეს – ინფორმაციას დიპლომატიური მისია ავრცელებს.
მათივე განცხადებით, შენობას დაახლოებით 100-მა ადამიანმა შემოარტყა ალყა. უკრაინული “112” იტყობინება, რომ აქციის მონაწილეები ნადეჟდა სავჩენკოს განთავისუფლებას და რუსეთთან დიპლომატიური და ეკონომიკური ურთიერთობის შეწყვეტას ითხოვდნენ.
ადგილზე გამოიძახეს პოლიციის დამატებითი შემადგენლობა.
აქციის მონაწილეებმა შენობასთან მდგარ დიპლომატების მანქანებს ცეცხლი წაუკიდეს.
