კიევში ბიზნეს ცენტრ „გულივერში“, სადაც Вести -ს გაზეთის, საიტის და რადიოს რედაქციებია, ეროვნული პოლიციისა და სამხედრო პროკურატურის თანამშრომლები შევიდნენ.
ამის შესახებ Вести -ს მთავარმა რედაქტორმა ოქსანა ომელჩენკომ facebook გვერდზე დაწერა.
„დაიწყო! დილის 6 საათისთვის „გულივერს“ ალყა შემოარტყეს, „სასიამოვნო“ ადამიანები ამოდიან. რადიოდან კოლეგები გვამცნობენ, რომ ისეთი ხმაურია, გეგონება ყველაფერს ამტვრევენ. საიტზე ონლაინ ტრანსლირებას დავიწყებთ. სწორედ დღეს ვამზადებდით გასაშვებად ეროვნულ სააგენტოსა და მის მეგობრებთან დაკავშირებული მასალის მეორე ნაწილს“,- დაწერა ომელჩენკომ.
მისი თქმით, ჰოლდინგის ადვოკატები გააძევეს.
