24 აგვისტოს კიევში, უკრაინის დამოუკიდებლობის დღის აღსანიშნავ აღლუმზე, NATO-ს და უკრაინის პარტნიორი ქვეყნების საქართველოს და მოლდოვის სამხედროები მონაწილეობდნენ.
უკრაინული inforesist-ის ცნობით, საზეიმო აღლუმზე, რომელსაც აშშ-ს თავდაცვის მინისტრი ჯეიმს მეტისიც ესწრებოდა, მონაწილეობა მიიღო უკრაინის შეიარაღებული ძალების ყველა სახის საჯარისო დაჯგუფების სამხედროებმა და აშშ-ს, კანადის, დიდი ბრიტანეთის, პოლონეთის, ბალტიის ქვეყნების, მოლდოვისა და საქართველოს 231 სამხედრო მოსამსახურემ.
