ხელისუფლება მზადაა შექმნას ყველა პირობა დემოკრატიული და სამართლიანი არჩევნების უზრუნველსაყოფად

timer.ge თაიმერი
: timer.ge თაიმერი დეკემბერი 4, 2015 11:09

ხელისუფლება მზადაა შექმნას ყველა პირობა დემოკრატიული და სამართლიანი არჩევნების უზრუნველსაყოფად

kvirikashviliვიცე-პრემიერის, საგარეო საქმეთა მინისტრ გიორგი კვირიკაშვილის განცხადებით, საქართველოს ხელისუფლება მზადაა შექმნას ყველა პირობა დემოკრატიული და სამართლიანი არჩევნების უზრუნველსაყოფად. შესაბამისი განცხადება კვირიკაშვილმა ბელგრადში გააკეთა, სადაც ეუთო-ს 22-ე მინისტერიალში მიიღო მონაწილეობა.
გიორგი კვირიკაშვილი სიტყვით გამოვიდა მინისტრთა საბჭოს პლენარულ სესიაზე, რომელზეც სხვა საკითხებთან ერთად ყურადღება 2016 წლის საპარლამენტო არჩევნებზეც გაამახვილა და არჩევნებზე დაკვირვების მიზნით როგორც ეუთო-ს შესაბამის ორგანიზაციებს, ასევე საერთაშორისო თანამეგობრობას მეტი ჩართულობისკენ მოუწოდა.
ამასთან, მან საქართველოში ბოლო პერიოდში გატარებულ პოლიტიკურ და დემოკრატიულ რეფორმებზეც ისაუბრა და აღნიშნა, რომ ის მნიშვნელოვნად უწყობს ხელს საქართველოს, როგორც ევროპული ტიპის დემოკრატიული სახელმწიფოს ჩამოყალიბებას.
“საქართველოს დემოკრატიული განვითარების გზა ურყევია. ჩვენ ერთგული ვრჩებით ქვეყნის ვეროპული და ევრო-ატლანტიკური ინტეგრაციის დღის წესრიგის, რაც ქართველის ხალხის არჩევანია. საქართველოს ხელისუფლებამ მოახდინა ბევრი მნიშვნელოვანი რეფორმის იმპლემენტაცია, როგორც სასამართლო, ასევე იუსტიციის და მედიის თავისუფლების თვალსაზრისით, ეუთო-ს შესაბამისი სტრუქტურებისა და საერთაშორისო თანამეგობრობის მონაწილეობით, რაც მიზნად ისახავა საუკეთესო ევროპული პრაქტიკისა და სტანდარტების გაზიარებას”, – განაცხადა მინისტრმა.
ეუთოს 22-ე მინისტერიალის ფარგლებში საქართველოს საგარეო საქმეთა მინისტრი ორმხრივ შეხვედრებს მართავს ეუთო-ს ხელმძღვანელ პირებთან და ასევე კოლეგა მინისტრებთან.
სერბეთი მინისტერიალს 3-4 დეკემბერს მასპინძლობს.

timer.ge თაიმერი
: timer.ge თაიმერი დეკემბერი 4, 2015 11:09

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


15,732
ვიზიტორი
დღეში
Powered By Google Analytics