„ნაციონალური მოძრაობა“ მთავრობის ახალი გუნდისთვის მხარდაჭერას არ პირებს. მათი თქმით, ახალი კაბინეტისგან დადებითი მუშაობის მოლოდინი არაა, რადგან მთავრობაში მნიშვნელოვანი ცვლილებები არ განხორციელებულა და ის ეკონომიკური გუნდი, რომელიც ქვეყანაში არსებულ მდგომარეობაზე და ლარის გაუფასურებაზეა პასუხისმგებელი კვლავ უცვლელი დარჩა.
„არცერთ სფეროში არაა არანაირი სიახლე, პოლიტიკური პროცესები არის არაჯანსაღი და მას მართავს სუსი. ეკონომიკური გუნდი არის იგივე არსებითად, რაც ნიშნავს, რომ ისინი ამ მხრივ არანაირ ცვლილების განხორციელებას არ აპირებენ. ხელისუფლების არც წინასაარჩევნო კამპანიაში არ ისმოდა რა უნდა შეცვლილიყო ქვეყანაში და ახლაც იგივე გუნდს გვთავაზობს, აგრძელებს კმაყოფილებას და სირაქლემას პოზაში ყოფნას.“- განაცხადა ელენე ხოშტარიამ.