18 ნოემბერს, უმაღლესი რადის მიმდებარე ტერიტორიაზე გაშლილი “კარვების ქალაქის” აქტივისტები კიევის რაიონის დაბა კოზინში ჩავიდნენ, სადაც პრეზიდენტ პოროშენკოს მამული მდებარეობას. “კარვების ქალაქის” წარმომადგენლები მის სახლთან მივიდნენ და ახსნა-განმარტება მოითხოვეს ბატალიონ “დონბასის” მოხალისე-მებრძოლის ვანო ნადირაძის საქართველოში დეპორტაციის შესახებ. ამის თაობაზე აღნიშნულია მოძრაობა “Визволення” -ს “ფეისბუკის” ოფიციალურ გვერდზე.
“მოვედით პოროშენკოს მამულთან. როცა უშიშროების სამმართველო, შინაგან საქმეთა სამინისტრო და სასაზღვრო სამსახური ვერ გვიხსნის თუ რა შეემთხვა ვანო ნადირაძეს, მაშინ ქვეყნის მეთაურმა უნდა გვიპასუხოს”, – აღნიშნულია ცნობაში.
აქტივისტები პოროშენკოს სახლის ჭიშკარს მიადგენენ, თუმცა მათთან სასაუბროდ არავინ გამოსულა.
შეგახსენებთ, ჯერჯერობით უცნობია საქართველოს 9 მოქალაქის, მათ შორის “რუსთავი 2”-ის კიევის ბიუროს ოპერატორის ადგილსამყოფელი. უკრაინის ხელისულფებამ ისინი 17 ნოემბერს დააკავა და განცხადა, რომ მათი დეპორტაცია მოხდება, თუმცა ამ დრომდე საქართველოს მოქალაქეები სამშობლოში არ დაუბრუნებიათ.
[fbvideo link=”https://www.facebook.com/Vyzvolennia.Ukr/videos/1963878243886797/” width=”500″ height=”400″ onlyvideo=”1″]