დაკავების შემდეგ “კანონიერი ქურდი” შაქრო მალადოი, იგივე ზახარ კალაშოვი მოსკოვის შსს-ს პეტროვკას ქუჩის N38-ში მდებარე მთავარ სამმართველოს შენობაში ჰყავდათ, სადაც ოპერატიულმა მუშაკებმა მასთან მათთვის საინტერესო თემებზე ისაუბრეს.
სასამართლოს გადაწყვეტილების შემდეგ, ის წინასწარი დაკავების იზოლატორში «Лефоротово» გადაიყვანეს -წერს რუსული მედია. ამასთანავე იგი სპეციალურ ბლოკშია მოთავსებული, სადაც გარესამყაროსთან ურთიერთობის მცირეოდენი შანსიც კი არ არსებობს.
რესტორან Elements-ის დირექტორის, ჟანა კიმისგან თანხის გამოძალვის ისტორიის გარდა, ოპერატიული სამსახური დაინტერესებულია კალაშოვის და სამართალდამცველების ურთიერთობებით. კერძოდ, ფედერალური სამსახური იძიებს 2016 წლის 14 ივნისს “ავტორიტეტ” ანდრეი კოჩუიკოვის ციხიდან «Матросская тишина» გამოყვანის საკითხით.
