კახიშვილი ლომჯარიას შეხვდა

ქეთი ფერაძე
: ქეთი ფერაძე აპრილი 13, 2018 11:40

კახიშვილი ლომჯარიას შეხვდა

სასჯელაღსრულებისა და პრობაციის მინისტრი, სამინისტროს წარმომადგენლებთან ერთად, სახალხო დამცველს შეხვდა.
კახა კახიშვილმა ნინო ლომჯარიას სახალხო დამცველად არჩევა მიულოცა და გატარებული, მიმდინარე რეფორმებისა და სამომავლო გეგმების შესახებ ინფორმაცია მიაწოდა.
მინისტრმა იმ გატარებულ საკანონმდებლო ცვლილებებზეც გაამახვილა ყურადღება, რომელიც მსჯავრდებულების/ბრალდებულების უფლებრივი მდგომარეობის გაუმჯობესებას ისახავს მიზნად.
კახიშვილმა ლომჯარიას განხორციელებული და დაგეგმილი ინფრასტრუქტურული პროექტების შესახებაც მიაწოდა ინფორმაცია.
მან აღნიშნა, რომ ერთ-ერთ პრიორიტეტს პენიტენციური დაწესებულებების თანამედროვე სტანდარტების შესაბამისად მოწყობა წარმოადგენს.
ისაუბრეს სახალხო დამცველის 2017 წლის ანგარიშზეც.
ლომჯარიამ ბოლო პერიოდში გატარებული რეფორმები პოზიტიურად შეაფასა. აღნიშნა, რომ არსებობს საკითხები, რომელთა მოგვარებაც სასურველია.
კახიშვილმა იმედი გამოთქვა, რომ ომბუდსმენის აპარატთან თანამშრომლობა ნაყოფიერი იქნება და გამოწვევები ერთობლივი კონსულტაციის შედეგად პოზიტიურად გადაწყდება.

ქეთი ფერაძე
: ქეთი ფერაძე აპრილი 13, 2018 11:40

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


11,771
ვიზიტორი
დღეში
Powered By Google Analytics