კახა კალაძემ მოადგილეები დაასახელა, რომელთა შორისაც ერთი დავით ნარმანიას მოადგილეა

timer.ge თაიმერი
: timer.ge თაიმერი ნოემბერი 13, 2017 15:47

კახა კალაძემ მოადგილეები დაასახელა, რომელთა შორისაც ერთი დავით ნარმანიას მოადგილეა

მნიშვნელოვანი

  • თბილისის ახალმა მერმა კახა კალაძემ მისი მოადგილეები წარადგინა. კალაძეს სულ 5 მოადგილე ეყოლება, მათ შორის ვიცე მერის პოსტს ირაკლი ხმალაძე დაიკავებს. ხმალაძე ენერგეტიკის მინისტრობის დროსაც კალაძის მოადგილის თანამდებობას იკავებდა.

სხვა სტატიები

თბილისის ახალმა მერმა კახა კალაძემ მისი მოადგილეები წარადგინა. კალაძეს სულ 5 მოადგილე ეყოლება, მათ შორის ვიცე მერის პოსტს ირაკლი ხმალაძე დაიკავებს. ხმალაძე ენერგეტიკის მინისტრობის დროსაც კალაძის მოადგილის თანამდებობას იკავებდა.

გარდა ამისა, მერის მოადგილეები იქნებიან: გარემოს დაცვის მინისტრის ყოფილი მოადგილე მაია ბითაძე; გიგა ნიკოლეიშვილი, რომელიც თბილისის მერის მოადგილის თანამდებობას დავით ნარმანიას დროსაც იკავებდა და შესაბამისად, პოსტს ინარჩუნებს, ასევე კიდევ ერთი მოადგილე ირაკლი ბენდელიანი იქნება, რომელიც ენერგეტიკის სფეროში ეკონომიკური და ინფრასრუქტურული მიმართულებით მუშაობდა.

მეხუთე მოადგილეს, კახა კალაძის თქმით, უახლოეს მომავალში დაასახელებს და ეს ილია ელოშვილი იქნება, რომელიც ამჟამად ენერგეტიკის მინისტრის პოსტს იკავებს. როგორც კახა კალაძემ განმარტა, ილია ელოშვილი მის გუნდს მას შემდეგ შეუერთდება, რაც დასრულდება სამინისტროების შერწყმის პროცესი.

“უახლოეს მომავალში ჩვენ მეხუთე მოადგილესაც დავასახელებთ – ეს იქნება ილია ელოშვილი. იცით, რომ გარკვეული ცვლილებები განხორციელდა ხელისუფლებაში და როდესაც დასრულდება სამინისტროების შერწყმა, ილია ელოშვილი შემოუერთდება ჩვენს გუნდს”, – განაცხადა კახა კალაძემ.

მისივე თქმით, “სიცოცხლით სავსე ქალაქი” არ არის უბრალოდ საარჩევნო სლოგანი.

“ხალხმა მხარი დაუჭირა სიცოცხლით სავსე ქალაქს და მინდა ყველამ იცოდეს, რომ ეს არ არის უბრალოდ საარჩევნო სლოგანი, არამედ ეს არის ჩემი და მთლიანად ჩემი გუნდის მიზანი. მიზანი, რომ შესაძლებლობებით, ზრუნვით, სილამაზით და სიცოცხლით იყოს სავსე ჩვენი ქალაქის ყველა უბანი, ყევლა ქუჩა და ყველა ადამიანისთვის კომფორტული და სასურველი იყოს ამ ქალაქში ცხოვრება. საარჩევნო პროგრამაში წარმოდგენილი ხედვები იქნება ჩვენი ძირითადი სამოქმედო გეგმა. ამ მასშტაბური დაპირებების აღსრულებას, თქვენს მხარდაჭერასთან ერთად, კომპეტენტური და ენერგიული ადამიანებით დაკომპლექტებული, ძლიერი გუნდი სჭირდება”, – განაცხადა კალაძემ.

timer.ge თაიმერი
: timer.ge თაიმერი ნოემბერი 13, 2017 15:47

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


15,732
ვიზიტორი
დღეში
Powered By Google Analytics