მარგინალები საინტერესო არ არიან, – ასე უპასუხა დედაქალაქის მერმა კახა კალაძემ კითხვას, რომელიც” ნაციონალური მოძრაობის” წევრის, ლევან ხაბეიშვილის გავრცელებულ ინფორმაციას ეხებოდა.
“მარგინალები საინტერესო არ არიან. გაქვთ სხვა კითხვა?” – განუცხადა ჟურნალისტებს კახა კალაძემ.
“ნაციონალური მოძრაობის” წევრმა ლევან ხაბეიშვილმა გუშინ დედაქალაქის მერია შესაძლო კორუფციულ გარიგებაში დაადანაშაულა.
კერძოდ, ლევან ხაბეიშვილის განცხადებით, სადღესასწაულო გაფორმებაზე სამჯერ მეტი თანხა იხარჯება, რაც 3 მილიონს შეადგენს. ხაბეიშვილის თქმით, ხელშეკრულება იტალიურ კომპანიასთანაა გაფორმებული, რომელსაც ანგარიშები აქვს მილანში.
