ვიცე-პრემიერი, ენერგეტიკის მინისტრი კახა კალაძე პრეზიდენტის მიერ ეროვნული ბანკის საბჭოს წევრობის კანდიდატად კობა გვენეტაძის წარდგენას გამოეხმაურა და აღნიშნა, რომ ის გვენეტაძეს არ იცნობს.
როგორც კალაძემ ჟურნალისტებს განუცხადა, პარლამენტი მოისმენს კობა გვენეტაძის ხედვებს და შესაბამისად, საკანონმდებლო ორგანოს მიერ გადაწყვეტილება იქნება მიღებული.
„მე არ ვიცნობ კობა გვენეტაძეს, თუმცა წარდგენილ კანდიდატურაზე პარლამენტში იმსჯელებენ. ზოგადად, ამ ინსტიტუტის სწორი, გამართული და კეთილსინდისიერი მუშაობა ქვეყნისთვის ძალიან მნიშვნელოვანია“, – აღნიშნა კახა კალაძემ.
შეგახსენებთ, რომ გუშინ საქართველოს პრეზიდენტმა საქართველოს პარლამენტისთვის წარსადგენად ეროვნული საბჭოს წევრობის კანდიდატად კობა გვენეტაძე დაასახელა.