ეს ახალგორი ჯერ მიაკუთვნა, მერე დაკარგა და გამოიქცა – აცხადებს ბიძინა ივანიშვილი და ამბობს, რომ ახალგორის ირგვლივ განვითარებული მოვლენები ყოფილი ხელისუფლების დაუდევრობით მოხდა. მისივე თქმით, დაუდევრობა ომამდე გაცილებით ადრე დაიწყო:
”გავიხსენოთ კიდევ ერთჯერ ტრაგიზმი. გითანაგრძნობთ, რომ თქვენც მსხვერპლი ხართ ამ პროცესის, რაც წინა ხელისუფლების დაუდევრობით მოხდა. დაუდევრობა დაიწყო გაცილებით ადრე ვიდრე ომს მოახერხებდნენ. ჯერ გადანაწილება გააკეთეს და უკვე გაუგებრობა ჩაიდინეს… ეს არის ერთი კაცი ყველაფერს წყვეტდა. ამ კაცს რისი გონება ჰქონდა და რაში იყო მაგარი, ვერსად აჩვენა. ყველაფერში მაგარი რომ ეგონა თავისი თავი, ეს ახალგორი ჯერ მიაკუთვნა, მერე დაკარგა და გამოიქცა. კიდევ ერთჯერ ვუთანაგრძნობ ჩვენს მოქალაქეებს, ვინც ეს უბედურება გადაიტანა”, – განაცხადა ივანიშვილმა.
