რუსთავი2-ის საქმეზე სასამართლოზე ზეწოლის ფაქტზე საუბრობენ საპარლამენტო ოპოზიციაში. ,,ნაციონალური მოძრაობის“ წევრის ირაკლი აბესაძის თქმით, ნათელია, ივანიშვილი აპირებს რუსთავი ორის სარედაქციო პოლიტიკა რადიკალურად შეცვალოს და ამისთვის ყველაფერს გააკეთებს.
„ის, რომ რუსთავი 2-ის საქმე ქართული სამართალწარმოებისთვის უჩვეულოდ სწრაფად მიმდინარეობს, ის რომ რუსთავი 2-ის საქმე ქართულ კანონმდებლობასთან აბსოლუტურად შეუსაბამოდ მიმდინარეობს ნათლად მიანიშნებს, რომ ქართული ოცნების და ბიძინა ივანიშვილის ძალიან მყარი ნება რუსთავი 2-ის სარედაქციო პოლიტიკის შეცვლის არის ძალაში და ისინი ყველაფერს გააკეთებენ ამისთვის,“- განაცხადა ირაკლი აბესაძემ.