იუსტიციის მინისტრმა სამეგრელოს რეგიონული არქივის ახალი შენობა დაათვალიერა

news
: news თებერვალი 20, 2016 18:46 განახლებულია

იუსტიციის მინისტრმა სამეგრელოს რეგიონული არქივის ახალი შენობა დაათვალიერა

მნიშვნელოვანი

  • ზუგდიდში მდებარე სამეგრელოს რეგიონული არქივის ახალი შენობა, რომელიც 7 მარტს გაიხსნება, დღეს საქართველოს იუსტიციის მინისტრმა, თეა წულუკიანმა დაათვალიერა.

სხვა სტატიები

ზუგდიდში მდებარე სამეგრელოს რეგიონული არქივის ახალი შენობა, რომელიც 7 მარტს გაიხსნება, დღეს საქართველოს იუსტიციის მინისტრმა, თეა წულუკიანმა დაათვალიერა.
როგორც “თაიმერს” იუსტიციის სამინისტროდან აცნობეს, ზუგდიდის არქივის აქამდე არსებულ სამსართულიან შენობას სრული რეაბილიტაცია ჩაუტარდა, ამავდროულად, მის გვერდით აშენდა 4-სართულიანი შენობა, სადაც საარქივო დოკუმენტების საცავები განთავსდა. შენობები ერთმანეთს მე-2 და მე-3 სართულებზე არსებული ხიდებით დაუკავშირდა.
მათივე ინფორმაციით, საცავები, რომლის მთლიანი ფართი 1112 კვ. მეტრია, თანამედროვე სტანდარტებით მოეწყო, აღიჭურვა კონდიცირების, ვენტილაციისა და ხანძარსაწინააღმდეგო სისტემებით. სამეგრელოს რეგიონის რაიონების – ზუგდიდის, აბაშის, მარტვილის, სენაკის, ჩხოროწყუს, წალენჯიხისა და ხობის არქივების დოკუმენტები, სულ 371 218 საქმე, საერთაშორისო სტანდარტების შესაბამისად იქნება დაცული.
დოკუმენტების საცავებსა და სამუშაო ოთახებთან ერთად, რეგიონული არქივის შენობაში მოეწყო სამკითხველო და საგამოფენო სივრცე.
მშენებლობა ტენდერით შერჩეულმა ორგანიზაციამ – შპს ,,აგრომშენსერვისმა” განახორციელა. სამშენებლო სამუშაოებზე 2 მილიონამდე ლარი დაიხარჯა.

news
: news თებერვალი 20, 2016 18:46 განახლებულია

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


8,350
ვიზიტორი
დღეში
Powered By Google Analytics