როგორც Defense News-მა წერს, აშშ სამხედრო-საჰაერო ძალების მინისტრმა დებორა ლი ჯეიმსმა დუბაის ავიასალონზე ჟურნალსიტებს განუცხადა, რომ საჰაერო კამპანიამ ტერორისტული დაჯგუფების – ისლამური სახელმწიფოს წინააღმდეგ გარკვეული პროგრესული შედეგები მოიტანა, მაგრამ ეს საკმარისი არ არის.
ადრე პენტაგონის ხელმძღვანელმა ეშტონ კარტერმა საკითხი დააყენა სირიაში დამატებითი სამხედროების გაგზავნის თაობაზე, წერს გამოცემა.
„სამხედრო-საჰაერო ძალებს დიდი მნიშვნელობა აქვთ, მათ შეუძლიათ ბევრის გაკეთება, მაგრამ არა ყველაფრის“ – თქვა მინისტრმა დებორა ლი ჯეიმსმა.
„საბოლოოდ, მათ არ შეუძლიათ ტერიტორიის ოკუპირება, და რაც მთავარია, მათ არ შეუძლიათ ტერიტორიის მართვა“ – აღნიშნა სამხედრო-საჰაერო ძალების მინისტრმა.
მისი აზრით, ზუსტად ამიტომ, ისლამური სახელმწიფოს წინააღმდეგ ბრძლაში წარმატების მისაღწევად აუცილებელია აშშ სახმელეთო ძალები.
ადრე თეთრმა სახლმა გააკეთა განცხადება სირიაში 50 სპეცნაზელის, როგორც მრჩევლების, გაგზავნაზე.
