ვეტერანთა საქმეების სახელმწიფო სამსახურის ყოფილი უფროსი ირაკლი შიხიაშვილი არჩევნებში მონაწილეობის მიღებას დამოუკიდებელ მაჟორიტარად გეგმავს.
„ახლა, შემიძლია გითხრათ, რომ დამოუკიდებელი მაჟორიტარი დეპუტატი ვიქნები და საინიციატივო ჯგუფი წარმადგენს”-განაცხადა შიახიაშვილმა.
როგორც შიხიაშვილმა აღნიშნა, დამოუკიდებელ მაჟორიტარად კენჭს სავარაუდოდ ისანი სამგორის რ-ში იყრის. შიხიაშვილი დარწმუნებულია, რომ არჩევნებში ის გაიმარჯვებს.
„ მე ბედს არ ვცდი, მე არჩევნებს მოვიგებ. ამის თქმის საფუძველს ის მაძლევს, რომ ამ რაიონში, მე რამდენჯერმე მოვიგე არჩევნები, ეს ჩემი რ-ნია, ჩემი უბანია, იქ ვმუშაობდი, როგორც გამგებლის მოადგილე და გამგებლის მოვალეობის შემსრულებელი, როგორც საკრებულოს დეპუტატი. შემიძლია ვთქვა, რომ ერთ-ერთი განსაკუთრებული დეპუტატი, საკრებულოს თავჯდომარე და ვეტერანების სამსახურის ხელმძღვანელი ვიყავი იმ კუთხით, რომ მიღება არ შემიწყვეტია, მე მოსახლეობის მიღება არასდროს შემიწყვეტია. მე ვიქნები მათი დეპუტატი“ -განაცხადა შიხიაშვილმა.