”ერთიანი ნაციონალური” მოძრაობის მერობის კანდიდატი ახალციხეში ირაკლი ბარძიმაძე ”ქართული ოცნების” მხარდამჭერებს ცემაში ადანაშაულებს. შემთხვევა დღეს, დაახლოებით 21 საათზე, “ქართული ოცნების” ოფისთან მოხდა. როგორც ბარძიმაძემ ”თაიმერს” უთხრა, ის “იღებდა ვიდეოს, თუ როგორ ატრენინგებდნენ “ქართული ოცნების” წარმომადგენლები თავიანთ დამკვირვებლებს გაყალბებისთვის”. “ქართული ოცნების” წევრებმა ბარძიმაძეს მოსთხოვეს აღნიშნული ვიდეომასალის წაშლა და ფიზიკური შეურაცხყოფა მიაყენეს. დაზარალებული ამბობს, რომ მას თავში ჩაარტყეს და მუხლიც დაუზიანეს. ბარძიმაძე აცხადებს, რომ მას აღნიშნულ ინციდენტთან დაკავშირებით სამართალდამცავი სტრუქტურებისთვის არ მიუმართავს.
