ირაკლი ალასანია: სააკაშვილის დროს ჩადენილი დანაშაულები უნდა გამოვიძიოთ

“თავისუფალი დემოკრატების” ლიდერმა ირაკლი ალასაანიამ განაცხადა, რომ მართლმსაჯულება უნდა აღსრულდეს და ყველა სისხლის სამართლის დანაშაული უნდა გამოიძიონ, რაც სააკაშვილის მმართველობის დროს იქნა ჩადენილი.

მისი თქმით, სამართლიანობა პროკურატურის დეპოლიტიზაციით და სასამართლოს დამოუკიდებლობით არის შესაძლებელი.

“არ მინდა სპეკულაციები დავიწყო და განვაცხადო, რომ სრულ სამართლიანობას მივაღწევთ. ყველა საზოგადოებაშია პრობლემები. მათ შორის ჩვენს საზოგადოებაშიც, რომელიც დასახიჩრებულია სამოქალაქო ომით, დაპირისპირებით მაგრამ ვისაც სააკაშვილის რეჟიმის დროს სისხლის სამართლის დანაშაული აქვს ჩადენილი და იმ რეჟიმის დროს ასეთი ბევრი იყო, ყველა ასეთი საქმე გამოძიებული უნდა იყოს და მართლმსაჯულება უნდა აღსრულდეს.

გვყავს სამართლის ისეთი გამოცდილი ადამიანები, როგორებიც არიან: შალვა შავგულიძე, ლევან სამუშია, ამირან გიგუაშვილი. მათ კარგად იციან როგორ უნდა მივცეთ სასამართლოს სრული დამოუკიდებლობა, როგორ უნდა მოხდეს პროკურატურის სრული დეპოლიტიზაცია. სამართლიანობის აღდგენაზე საუბარი ამ შემთხვევაში გახდება შესაძლებელი” , – განაცხადა ირაკლი ალასანიამ.

banner
წინა სტატიაში“საქართველომ უნდა დაადასტუროს, რომ შეგვიძლია ცივილური, ევროპული სტანდარტების არჩევნების ჩატარება”
შემდეგი სტატიააფხაზეთის დე ფაქტო საგარეო საქმეთა მინისტრი დაურ კოვე გახდა