მიმდინარე წლის თბილისის ბიუჯეტში ბოლო შესწორებები დღეს უნდა დამტკიცდეს. საკრებულოს საფინანსო-საბიუჯეტო კომისიის თავმჯdომარის თქმით, საუბარია 7 მილიონამდე თანხაზე, რომლის ეკონომიაც ტენდერების ხარჯზე მოხერხდა.
ჯაბა სამუშია ამბობს, რომ ამ თანხის გადანაწილება სოციალურად დაუცველებისთვის მოხდება. გარდა ამისა, მერიაში დასაქმებულები, მათ შორის მძღოლები, დასუფთავების სამსახურის წარმომადგენლები წლის ბოლომდე მე-13 ხელფასს მიიღებენ.
ოპოზიცია კი უმრავლესობას თანხების არასწორ გადანაწილებაში ადანაშაულებს.
„ქართული ოცნების თბილისის მთავრობას ადამიანების სოციალური საჭიროებები არ ესმის,“- განცხადა თბილისის საკრებულოს ფრაქცია ნაციონალური მოძრაობა – თბილისის თავმჯდომარემ, ირაკლი აბესაძემ.
დედაქალაქის 2016 წლის ბიუჯეტს კი საკრებულო შაბათს დაამტკიცებს.