ინსპექტორებმა ქვემო ქართლში, პლასტმასის ბოთლების დაწვის გამო, ორი პირი დააჯარიმეს.
გარემოსდაცვითი ზედამხედველობის დეპარტამენტის ინფორმაციით, ქვემო ქართლის რეგიონული სამმართველოს გარემოსდაცვითი პატრულირებისა და სწრაფი რეაგირების განყოფილების თანამშრომლებმა ნარჩენების მართვის კოდექსის წესების დარღვევის 2 ფაქტი გამოავლინეს.
„ მოქალაქეებმა რაშად ისმაილოვმა და მუსტაფა ნიკბახთმა ღია წესით დაწვეს მუნიციპალური არასახიფათო ნარჩენები, პლასტმასის ბოთლები, რეზინის ბრეზენტი და სხვა ელასტომერული ნარჩენები.
შედგა საჯარიმო ქვითარი-ადმინისტრაციული სამართალდარვევის ოქმი. ჯარიმა განესაზღვრათ 500-500 ლარის ოდენობით”,- აღნიშნავენ გარემოსდაცვითი ზედამხედველობის დეპარტამენტში.